Shillong, Risaw 21: U Myntri Rangbah ka jylla u Conrad K Sangma mynta ka sngi u la ong ba ia ki jingiakynthoh ha ki kynhun lah ban pynbeit ryngkat bad ka sorkar pdeng ka sorkar jylla mynta ka dang pynkhreh ban phah da ka jingthoh sha kito ki kynhun ban dup lah ban ia pynbeit noh kham kloi.
U Myntri rangbah u la ong ba ha ka jingsngew jong u kane kam dei ban long ka phang, la ong ba da ka jingiakren bad baroh ki kynhun lah ban pynjai jai ia kane ka jingiakynad, u myntri rangbah u la ong ba ka jingjia ha Ichamati ka dei kaba la jia la katto katne bnai mynshuwa bad kumba ka long mynta kam don ei ei hynrei kane kala mih na ka jingiakynthoh ha ki kynhun kiba na bar ka jylla bad kum juh na kane ka jylla.
Halor ka jingkynnoh jong ki lai ngut ka sorkar ka peit bniah halor ka jingkynnoh, la ka long kumno kumno ka sorkar kan sa phah ia ka jingpyntip bad ka sorkar kala shim ia kilat ki lynti ban pynbeit ia kane ka bynta. Na ka liang jong ka sorkar ka sngewthuh kumno ban leh bad kan sa phah da ka jingthoh sha kito ki kynhun ban pynthikna ba kan nym klang bad u don ka jingkyrmen ba lah ban pynbeit lyngba ka jingiakren.
Haba ia dei bad ka Coordination Committee, u myntri rangbah u la ong ba ia mynta ym shym la lah ban khot namar ba bun na ki nongialam jong ki party ki don ha la ki jong ki jong ki jaka, hynrei ki nongialam seng sain pyrthei ki lah ban ia kynduh ia u ha kano kano ka por bad kum juh ki MLA ruh khlem da don kam ban da pan por.
U Myntri rangbah u la ong ba u la bthah ia ki briew jong u ha ophis ba la da don ki nongialam seng sain pyrthie na ki party ba ia don lang ha ka sorkar bad kum juh ki MLA dei ban pyntip ia u ban ia kynduh khlem da don kam ban pan por ne buh por ban ia kynduh ki lah ban ia kynduh ha kano kano ka por.
