Shillong, Iaong 24: Ka Khasi Student Union (KSU) mynta ka sngi kala phah da ka shithi sha u Chairman jong ka MPSC ban kylli na u aiu ka ophis kala leh ha kaba ia dei bad ka jingdawa jong ka seng ban buh ia ki komera syntait ha ka por ba interbiew kam ia ki samla wad kam.
Ka jingdawa jong ka KSU ha kaba ia dei bad kane ban pyndon kam noh da ki komera syntiat ka long ban weng ia ka jingpyrkhat ba bin jaid jong ki paidbah ha kaba ia dei bad ka MPSC. Ka KSU ka la ong ba halor kane ka seng dep ban ai ia ka dorkhas sha u myntri rangbah ka jylla u Conrad K Sangma ha u snem 2018.
Ha kane ka jingiakynduh bad u myntri rangbah ka jylla ka seng kala dawa ba dei ban pynthymmai ia ka rukom pynlong ia ka interbiew hapoh jong ka MPSC. Kane kan long ia baroh ki interbiew kiba leh da ka MPSC. Halor kane u myntri rangbah ka jylla u la u ba un sa peit halor kane ka jingdawa jong ka seng.
Na ka liang jong ka KSU kala ong ba mynta kala jan dap shisnem bad na ka liang jong ka KSU ka kwah ban ioh ia ka jingpynshai na ka liang jong ka MPSC aiu halor kane lane hato kala don ne em ka jingbethah na ka sorkar ha kaba ia dei bad kane ka jingdawa jong ka seng bad la kyntu ia u Chairman ka MPSC ba un ai ia ka jingtip sha ka seng.
