Shillong, Naitung 03: Ka kam “Gramin Dak Sevaks Post-reg” ka dei ka kam kaba rit eh ha post ophis, kane ka kam ka long ban rah ia ki shiti na post ophis sha ki shnong kiba hap hapoh kata ka post ophis.
Ia kine kikam kiba rit ha ki snem kiba la dep la juh pynlong ia ka eksamin da ki “Staff Selection Commission” jong ka Ri India, hynrei mynta la lai snem ia kane ka eksam la pynlong beit na Delhi bad kiba apply ia kane ka kam ka long online kaba mut ka long ia baroh kawei ka Ri India.
Ia ka ktien kaba hap ban thoh ia ka eksam kan long da ka ktien sorkart jong katta ka jylla, ha Meghalaya namar ka ktien phareng ka dei ka tien sorkar kiba apply ia kite ki kam ki hap ban thoh ia ka eksam da ka ktien phareng ne ktien Hindi.
Katkum ki kot ki sla kiba la ioh da u SP News Agency, la shem ba wat la u myntri rangbah ka jylla u Conrad K Sangma u la shim khia ban pynrung ia ka ktien khasi bad Garo ban thoh eksam na ka bynta kitei ka kam ha u snem 2021 bad ka post ophis kala pnykylla ia ka Office Memorandum na ka bynta ka North East ban pynrung kum ki ktien bynrap.
Ka ophsi ba ha khlieh duh jong ka post ophis Dak Bhavan, Sansad Marg kaba hap hapoh jong ka Ministry Communication Department jong ka sorkar pdeng kala pynmih ia ka Office Memorandum ha ka 09/Jylliew/ 2023 ba la kynthup lang ia ka ktien Khasi bad Garo kum ka ktien bynrap hynrei ia ka ym lah ban pyntrei kam namar ka ktien phareng ka dei ka ktien sorkar ha Meghalaya.
Na ka liang jong ka Post ophis kala wan ia ka jingpynbna sorkar ha ba ia dei bad ka ktien ha ka jylla, hynrei ka ktien Khasi bad Garo ha Meghalaya dang dei ka ktien bynrap, kumta ia ka tien ka kam ha Meghalaya da hap ban thoh da ka ktien phareng lane ktien Hindi.
