Shillong, Lber 21: Additional Deputy Commissioner (Supply), jong ka Sohra Civil Sub-Division, Sohra la pyntip paidbah baroh kito kiba ioh khaw ration lyngba ka skhim NFSA (AAY bad PHH skhim kiba hap hapoh jong ka Sohra Civil Sub-Division ba naduh ka 01/Iaiong/2025 ba kito kiba pat pyniasoh ia ka Aadhaar kard bad ka kard ration jong baroh kiba don kyrteng ia u khaw bala mang na ka bynta jong ki yn bat.
Ha kane ka jingpyntip na ka liang jong u ADC Supply jong ka Sohra Civil Sub Division la kren shai ba ia u khaw ba dei ka bhah jong ki yn sa ai sha ki haduh ba kin da ai ia u Aadhaar kard sha ophis jong u SDO Sohra, kane long ka jingpyntip kaba shai kdar sha ki paidbah.
Lada don kiba don kard ration bad lada kin lah ban pyniaisoh ia ka Aadhaar kard bad ka ration kard hapoh lai bnai ia ka kyrteng jong ki yn weng noh na ka list kaba don hga ka NFSA Act 2013 bad ha ka jaka jong ki un pynrung noh da kiwei, kane ka hukuan kala trei kam naduh ka 19/Lber/2025.
