Shillong, Kyllalyngkot 24: Mynta ka sngi ha ka jingialang jong ka Kabinet kala pdiang ia ka rai ban pynkylla ia ka Meghalaya Financial Service Rules 1989, namaer bun ki rule kiba ia dei bad ki tnad sorkar bapher bapher la shu pyntreikam da ki jingbtah na ka por sha ka por.
Ban pyniaid beit iaid ryntih ia ki jingtreikam ki tnad sorkar baroh ka Kabinet mynta ka sngi kala pdiang ban pynkylla ia katei ka rule ha kaba ia ki rule thymmai la pynrung ha ka Meghalaya Financial Service Rule.
Haba kren ha ki lat pathai khubor u bah Paul Lyngdoh la ong ba ki don ki tnad sorkar kiba don kam ia ka jingkhlain ka bor met ka Kabinet kala shim ia ka rai kum hapoh ka tnad Excise, Registration, Taxation, ERTS bad tnad khlaw bad Civil Defence bad Home Guard.
Ka rta apply kam kan long hadpeng 18 bad 21 snem bad la pynjlan haduh 27 snem bad na ka bynta ka ERTS la pynjlan sha ka 33 snem bad Civil Defence bad Home Guard 32 snem, hapoh ka tnad Khlaw kan long haduh 27 snem.
Ha kane ka sngi u bah Paul Lyngdoh u la pyntip ba hapoh kine ki ar ne lai tiew ka sorkar kan sa pynbna paidbah ia ka jingpynlait laitkam hapoh ka tnad pule kaba long haduh 3000 tylli ia kaba la pdiang hapoh ka kabinet.
