Shillong, Nailur 05: U Myntri Rangbah ka jylla Meghalaya u Conrad K Sangma ba u ba dei u shongknor jong ka kynhun ki myntri sorkar banpeit ia ka kam ia khlai, la ong ba ymbaroh ki jingiakhlai ka long kum juh nalor ki don lai bynta kiba trei la ka jong ka jong ka rukom.
Haba kren sha ki lat pathai khubor la ong ba kane ka khajna katrei kam ha ka jingialehkai ‘Casino’ bad ka rukom khien ha kano ka rukom yn lum ia ka khajna la ia kren bha ha kane ka bynta bad haba poi ha ka jingiakhlain online ia kine ki bynta ki dng ia kren bad ynda kila dep ban ia kren kin sa shim ia ka rai.
Haba ia dei bad ka por ia mynta u myntri rangbah la ong bay m lah ban pynbna namar ki don ki kyndon kaba kim pat lah ban iathuh paidbah hynrei kinsa ia thuh ha ka por kaba biang ia kaei kaba ki shim ia ka rai.
U shongknor ka kynhun ki myntri sorkar la ong ba kane ka kynhun kan long tang ka nongai jingmut sha ka sorkar pdeng bad ha kaba khatduh ia ka rai ban shim kan long ka sorkar pdeng ki kin long tang ki nongai jingmut.
U Conrad la ong ba ia kane ka jingiashong jingialang ban ai ia ka jingai jingmut sha ka sorkar pdeng ki san ai hapoh kine ki shiphew sngi bad ha pdeng kine ki sngi kin dang twad jingmut ruh na ki muktiar. Kane ka jingialehkai ka khampher dei na kane ka daw ka shimpor la ong u Cornad.
