Shillong, K.Lyngkot 30: Mynta ka sngi ha ka por 7.00 baje jan miet kala don ka jingbthei bom ha Khyndailad ha syndah jaka die mobile jong ka Centre Point ha kane ka jignjia kam shym don kano kano ka jingjia kaba sngewsih.
Na ka liang jong ki pulit mar ia ioh ia kane ka jingtip kila leit bran bran sha katei ka jaka ban pynlong ia ka jingtohkit halor kane ka jingbthei bom ha katei ka jaka, ki pulit kiba dei na ki stad ba peit ia ka jingbthei bom kila poi sha katei ka jaka ban tip jaidbom aiu ba bthei ha katei ka jaka.
Na ka liang jong ki pulit ki dang pynlong ia ka jingtohkit ban lap ia ki nonglehkam sniew, ki pulit ki dang peit bniah ban tip u jaidbom aiu bala pynbthei ha katei ka jaka haduh ba thoh ia kane ka khubor ym pat lah ban tip mano ba ia kane ka kam sniew.
