Shillong, Risaw 10: Mynta ka sngi u Chief Executive Member ka KHADC u bah Pyniaid Sing Syiem ryngkat ki heh jong ka World Bank, u Thierry Martin Senior Urban Development jong ka World Bank bad u Keith Newman Waste Specialist international consultant jong ka World Bank kila leit ban jurup ia ka Wahumkhen kaba dei ka tyllong um.
Ha kane ka jingleit jurip la don lang ki rangbah shnong na Lumbasuk, Madanryting, Jatah bad Mawshbuit, ha kane ka jingleit jurip la shem ba kala don ka jingbret pathar ia ki jaboh bad wat ki shipai ruh kila pyntuid ia ki um nala sha kane ka wah.
Ha dien kane ka jingleit jurip la pynlong ia ka jingialang bad ki rangbah shnong bad ha kane ka jingialang kaba kynthup ia ka shnong Umpling, Rynjah, Lapalang bad ha kane ka jingialang na ka laing jong ki heh ka World Bank kila pynshai ban buh ia ka jaka lum ia ki niut kiba mih na ki iing ki sem kum ka jingpyrshang.
Ha dien katei kila leit ruh sha Mawlai Mawroh ban jurip ia ka jaka pyrshang ban bret ia ki niut kiba mih na ki iing bad kane ka jaka ka long kaba heh kumba 8000 phut sawdong ia kaba la ai sngewbha da ka shnong bad shen yn sa buh noh ia u Mawnongrim ban pyntrei noh.
Kane ka kynhun kala leit ruh ban jurip ia ka Marten kaba don ha Mawlai ban peit ia ka rukom bret niut ha kane ka haka bad na ka liang jong u CEM ka KHADC u la ong ba ha dien ba la dep ban ryntih ia ki kyndon ba ia dei bad ka jingbret patahr ia ki niut ki nier ynkhang syndon ban pyntuid ia ki jaka sha ki wah.
U Bah pyniaid la ong ba kane ka jingthmu ban ia treilang ha pdeng ka KHADC bad ka World Bank, ym tang ban peit ia ki jingeh ia ki niut kiba mih na iing, na ki shnong ki thaw, hynrei ka don ka jingthmu ba kine ki wah ba don ha sor Shillong bad ki khap sor kin long kiba khuid kiba suba.
Na ka liang jong ka KHADC kanpyndep noh ia ki rule bad ia ki jingbthah ban ioh ban ia treilang noh bad ki shnong ki thaw ha ki san tylli ki District kiba hap hapoh ka jingpeit jong ka KHADC.
La pynkynmaw ba ka jingpynkhuid ia ki shnong kam dei kamd ei kaba thymmai, la ong ba don kam ban don ia ki kommittee hapoh ki shnong ha ki san tylli ki District ban peit kumno ban leh ban nym bret pathar ia ki niut.
