Shillong, Risaw 27: Mynta ka sngi ka Institute of Bioresources and Sustainable Development (IBSD), kala pynlong ia ka jingia jinghikai ban thung syntiew ia ki nongtrei ka tnad shipai suin jong ka Air Force Museum ba dei jong ka Eastern Air Command.
Kane ka jinghikai kaba la ai mynta ka sngi ka long ban pynkhreh kumno ban thung ia ki syntiew kiba bun jait, kane ka jinghikai ka long ba kin sngewthuh kumno ban leh haba thung ia ki syntiew kiba hala ka jong ka jong ka rukom thung ia ki syntiew ki bapher bapher.
Ia kane ka jinghikai la ai hapoh ka “BioNEST Incubator of IBSD for the skill development” ha kaba ia dei ba ka kam thung syntiew. Kane ka jinghikai ka long ba kito kiba sngewtynnad ban thung syntiew kin sngewthuh kumno ban pynkhreh haba thung syntiew.
Ia kane ka jinghikai la pyniaid hapoh ka jingpeit jong u Director, IBSD, Prof.Pulok K. Mukherjee ban pynkhlain ia ka jingait jingtip sha ki paidbah, ka IBSD ha Meghalaya ka hikai ia ki paidbah kane ka jylla Meghalaya ba kum kin pyndon kam ia ka jingdon ki syntiew ki skut ha kane ka jylla.
