Shillong, Naiwieng 05: Ia ka District kaba thymmai ha Mariang rai ka Kabinet ban jer kyrteng da ka “Eastern West Khasi Hills District” ia kaba yn sa plie da u myntri rangbah ka jylla u Cornad K Sangma ha ka sngi Balang ha kane ka taiwe ban wan kata ka 10/11/2021 ha Madan Tihdang ha Mairang.
U Bah Prestone Tynsong mynta ka sngi u la iathuh ba ka cabinet kala shim ia ka rai ban kyntiew kyrtdan ia ka Mairang Civil Sub Division sha ka District ia kane la pdiang ha ka jingialang jong ka cabinet mynta ka sngi.
U bah Prestone Symbut myntri rangbah ka jylla la ong ba ka jingplie ia kane ka District kaba thymmai ka long ban rah kham jan sha ki paidbah ia ka jingtrei kam jong ka sorkar ban pynsuk ia ki paidbah ha ka jingdon kam ka jong ki kaba man ka sngi.
Ia ka Eastern West Khasi Hills District yn phiah na ka West Khasi Hills District bad kane ka District kaba thymmai kan kyntup ia ki ar tylli ki Assembly Konstitwensi, ka Mairang bad ka Mawthadriashan , da ka rai jong ka cabinet mynta ka sngi ka jylla Meghalaya kan sa don 12 tylli ki District.
