New Delhi Naiwieng 26: Ia ka Food Security Bills, 2011 ia kaba la wanrah da ka sorkar pdeng hapoh parliament ha ka 22 tarik jong u Nohprah 2011 da ka jingthmu ban pynioh ia ka bam na ka bynta ki nongkyndong bad ha sr kum juh khamtam eh ia ki long iing kiba la ithuh kyrpang ka sorkar ka la mang ban ai haduh 75% ka jingdon kam ia ka bam.
Ia kine ki long iing kiba dei ban ithuh kyrpang dei ban leh da ki sorkar jylla lane da kino kino ki agency kiba dei ban ithuh da ka sorkar bad na ka bynta kane ka sorkar pdeng ka la buh ia ki kyndon ba kumno dei ban leh ban shim ia ki long iing kiba duk bad kiba don kam ia kane ka jingithuh kaba kyrpang.
Kane ka Bill kaba ka sorkar pdeng ka la leit rah sha iing dorbar ia kaba la phah sha ka Parliamentary Standing Committee(PSC) kane ka committee mynta ka dang shong bad bishar bniah ia kane ka kam la iathuh u myntri khynnah hapoh parliament mynta ka sngi.(SP News)
