Shillong, K.Lyngkot 04: U Bah Kit Nongrum ba pynmih ia ka phlim ka “Pap” la ong ba yn pynipaidbah ia ka ha Biju Cinema ha ka 7/01/2022 bad ka jingpyni kan long saw sien ha ka shisngi bad ka dor bati tiket kan long hapdeng T.200 bad T.150 tyngka.
Haba kren ha ki lat pathai khubor u bah Kit la ong ba la pynwan dur ia kane ka phlim ha u snem 2019 bad la pyndep ia ka jingthoh ia ka khana ha u sem 2020 bad kala wan noh ka jingkhang dam ym shym la lah ban pyndep ia ka ring ia kane ka phlim dei ha u snem 2021 la ioh ban pyndep.
Haba jubab ia ka jingkylli ha kaba ia dei bad kane ka phlim u bah kit ym shym la batai shai namar u kwah ba ki paidbah kin sngewthuh haba ki leit ban peit ia kane ka phlim, hynrei la ong ba ka don ka jingpapher ha pdeng ka Pop bad ka Pap dei tang ynda kila leit ban peit kin sa sngewthuh.
Na ka liang jong u bah Kit u kyrpad ia ki paidbah ba kin ai lem ka jingkyrshan ia kane ka phlim bad kane ka dei ka phlim kaba saw kaba u la pynmih haduh mynta, la pynsngewthuh ruh ka sorkar kam shym pynbna ban don kata ka jingkhangdam hynrei kan don tang ka jingpyrkhing.
Ia ka khana la thoh da u bah Robin Lawryniang, la pynmih pat da u bah Bantrei Sawkmie, la pynbit ia ki jingrwai da u bah Ram Suchiang, u ator kane phlim la tip kum u Bah Sam, ka aktress ka samla sharailin Khongwar bad kiwei kwei dei ki nongiashim bynta.
