Shillong, Risaw 29: Ka KSU South West Khasi Hills District hapoh ka jingialam u samla Shemphang Nonglang Vice President KSU South West Khasi Hills District bad u samla Jiedskhem Nongsiej General Secretary KSU South West Khasi Hills District ryngkat ki dkhot naki Circle bapher bapher ba hap hapoh ka jylli treikam jong ka , ha ka sngi 28 Risaw ki la hiar sha Domiasiat ban leit buh syntiew ha u lum jingtep jong ka Meiieid Spility Lyngdoh Langrin.
Na ka liang jong ka seng hynne ka sngi ka la rakhe ruh iaka kum ” KA SNGI PYRSHAH URANIUM” namar ine i meiieid I la dei iwei i nongialam haka jingiakhih pyrshah tih uranium haka thain kum i trai khyndew da kaba i la kyntait ruh haduh ka sngi jingiap iaka spah klur kaba ka UCIL ka la tyrwa ia i na ka bynta ban ailad tih uranium haka jaka jong i kaba don ha Domiasiat.
Ha kane ka sngi , ka seng kum shibynta ban leh burom ia kane ka lyngkhuh snem ba ar jongka jingkhlad jong ka, ki la Wah shwa daki banners ha kylleng ki bynta ka iew Mawkyrwat kum shibynta ban kyntu bad pynsngew iaka dong ka thain ba kim dei ban klet iaka jinglenlade bad ka jingshynrang mynsiem kane ka Meiieid kaba la pynlong iaka South West Khasi Hills District ba kan long kumne kumba ka long Kat haduh ba ka sorkar bad ka UCIL kim nud shuh ban iaid shakhmat halor kane ka jingthmu.
Hadien kata na ka liang ki nongialam bad ki dkhot ka seng ki la hiar ban buh syntiew sa ha u lum jingtep ba don ha shnong Domiasiat. Kum ka seng, ngi shim ba ki kam bad ki Matti jong i meiieid Spility Lyngdoh Langrin ki la long shisha ki jinghikai bad ki jingpynshlur iaka seng bad iaka Jaitbynriew ban iengskhem haka nongrim .
Kane ka long kmie kala long shisha ka riew khraw ha kaba kala kyntait iaka spah klur ba la tyrwa sha ka ” I la kyntait iaka Lei Longspah da kaba I la pyni iaka jingskhem nongrim jong I haduh ka sngi ka jingiap da kaba i la ieng skhem ban pyrshah ia u uranium da kaba I peit jngai bad pyrkhat iaka lawei jongka dong ka thain bad ka Jaitbynriew “.
Shuh shuh ka seng ka shim ia I kum i nongialam jongngi ” I la long shisha kum uwei naki Paia ba skhem ba kyrshan bad pynskhem iaka nongrim ban pyrshah Uranium ha kaba kum ka seng hi ngin iai pyrshah wat haduh ka sngi jongka jingiap” . Kane ka dei ka kyrwoh na u samla Macdonald Marbaniang Publicity Secretary KSU South West Khasi Hills District.
