Shillong, Iaiong 06: U Myntri Rangbah ka jylla Assam u Dr Himanta Biswa Sarma la ong ba ka don ka jingia kajia pud hapdeng ka jylla Meghalaya bad Assam ha ki khatar tylli ki jaka ha khappud hapdeng kine ki ar tylli ki jylla.
Na ka bynta ki hynriew tylli ki jaka kiba la dep ban ia mynjur lang ka sorkar Meghalaya bad Assam kila ia soi ha khmat jong u myntri kam poh iing ka sorkar pdeng ha kaba kila ia sngewthuh ban weng ia ki jingeh ha ki hynriew tylli ki jaka kaba mynta ka survey jong ka sorkar pdeng kala sdang ban jurip.
Ka survey jong ka Ri India kan leit ban jurip bad buh ia ki mawpud bad ha dien ba la dep kane ka jingiasoi soskular kan sa treilang, hyrnei dang don sa hynriew tylli kiwei ki jaka kiba dang hap ban ia pynbeit bad ia ka jingiakren lah ban sdang ha u bnai Jylliew ne Naitung.
Ka jingdawa na ka liang pyrshah ha Meghalaya ki dawa ban pynkylla biang ia kaei kaba la ia soi bad ia kane ka jingdawa ka long ruh kum juh ki liang pyrshah na ka jylla Assam hynrei ia kane la pynshai hapoh Assembly ba ki jaka ki hap hapoh jong ka Ri India kum shipara ngi la ia soi ia ka jingiateh kular haba ia dei bad ki hynriew tylli ki jaka ymd ei shuh ban dang khylli.
La ong ba ha man ki jingiasoi ym lah ban pynkmen ia baroh kin don beit ki briew ki bymhun hynrei kum ka ri ka dei ban kmen, haba ia dei bad ka jingia dei bad ki liang pyrshah ha Meghalya myntri rangbah ka jylla Assam u la ong ba um kwah ban ong ei ei namar kane ka dei ka kam jong u mytnri rangbah kajylla Meghalaya ban peit.
