Ia ki jaka mane Blei yn shah ban plie naduh ka 14 tarik mynta u bnai: Conrad

Shilllong, Jylliew 05: U myntri rangbah ka jylla u Conrad K Sangma u la khot ia ka jingialang bad ki nongialam niam bapher bapher ban ia mir jingmut ban wat lat kumno ban pli biang ia ki jaka mane blei ha ka jylla.

Ha Kane ka jingialang ka ba la long ha Yojana Bhavan ha dien la ia mir jingmut la shim ia ka rai ba ia ki jaka mane blei yn sdang ban plie noh naduh ka 14th June 2020, da kaba but ia ki kyndon ban pynia jngai iwei na iwei.

U Myntri Rangbah ka jylla lyngba ka twitter u la iathuh ba ha Kane ka jingialang bad ki kynhun niam la shim ia ka rai ba ia ki jaka mane blei yn sdang plie noh naduh ka 14/6/2020 da kaba but ia ki kyndon ban pynia jngai iwei na iwei.

Ha Kane ka jingialang bad ki nongialam niam la donlang u Deputy Chief Minister Bah Prestone Tynsong, bah Lahkmen Rymbui myntri kam poh iing, bah Hamletson Dohling myntri ba dei peit kam pynroi sor ryngkat ki ophisar bad ha ka jingiadon lang ki heh pulit.