Shillong, Nailar 14: U T.R Sharma Registrar ka Central Agriculture University, Imphal mynta ka sngi u la pyntip ba hadien ba la kyrtpad da ka seng samla pule bad na ki heh sorkar jylla Meghalaya ba ia ki samla pule ba na shabar ka jylla Manipur yn ai jinghikai online, ia kiba na Meghalaya kin pule ha Kyrdemkulai ha Ri Bhoi District.
Ha ka jingpynbna kaba la pynmih mynta ka sngi la pyntip ba baroh kito ki samla pule hapoh jong ka ‘College jong Agriculture, Imphal bad College jong Food Technology, Imphal, ba ka jinghikai na ka bynta kito ki samla Undergraduate kiba pule ha u snem 2020-2021, 2021-2022 bad 2022-2023 ia ki ynhikai da ka online.
Na ka bynta kito ki samla kiba leh ia ka Masters bad PhD ha ka College jong Agriculture, Imphal na ka bynta jong ki ruh hap ban hikai online. Kito ki kiba jingpule RAWE programme na ka bynta u snem 2020-21 ba pule B.Sc Agriculture iaki yn hikai hala ki jong ki jong ki jylla jong ki.
Naka bynta kiba pule ia ka M.Sc bad Ph.D ha ka College jong ka Agriculture, Imphal, kin leit ban pule ban pyndep ia ka jignwat bniah jong ki sha ki college kiba don ha jan jong ki CAU, ICAR institute, KVK kiba don ha ki jylla jong kid a ka jingiamir jingmud bad ki nonghikai.
Ki samla kiba la hap ban pyndep ia ka jingpule jong ki ia ka M.Sc lane Ph.D degrees kin iai bteng ia ka jingpule jong ki bad ki nonghikai kiba la bhah na ka bynt jong ki ba kin pyndep ia ka jingpule jong ki, ia kane ka hum la pynmih da ka jingai bor da ki bor kiba halor.
