Shillong, Jylliew 15: Ka jingialang ban ioh ka jingiatreilang bad ka Ri France halor ki kam kilan met ka la long bad u France Consul General Mr. Didier TALPAIN, ha ka jingiadon lang u Mr. Samuel Bouchard, Chargé de mission bad Cooperation officer.
Kane ka jingiakren ka long bad u Bah John F Kharshiing, Working President, Meghalalaya State Olympic Association, (MSOA), Vice President, National Rifle Association of India,(NRAI), Secretary General, North East Sports Association (NESA) ha office u Consulate Ri France ha Kolkata, por 3.30 janmiet ha ka 14 tarik June 2024.
Kane ka jingialang ka long kum ka jing buddien ia ka jingialang ha ka 10 tarik Jymmang 2024 ha Shillong Meghalaya hapdeng u Excellency Dr. Thierry Mathou, u Ambassador ka France sha India ha ka jingiadon lang u Consul general Mr. Didier TALPAIN.
Ha kane ka jingiakren la don lang u Chief Secretary u Bah D P Wahlang, Meghalaya, Dr. Vijay Kumar D, IAS, Commissioner, Planning, Agriculture, Sports etc. bad u Working President MSOA, kiba la ia kren halor kiba bun ki tnad treikam kynthup ki kam Sports.
Ka jingialang mynta ka sngi ki la ia kren halor kumno ban pynjanai ia ki jingiakren ban ioh ka jingiatreilang kaba jan hapdeng ki kynhun sports Federations na Ri France.
Kane ka long ban thaw lad da ki exchange programs hapdeng jylla Meghalaya bad Ri France ban ia syllok ia treilang kumno ban kyntiew ia ka sports eco system khamtam haba ka jylla Meghalaya kan hap ban pynlong ka ka National Games jong ka Ri India ha ki snem in 2026 lane ha u 2027.
