Shillong, Nohprah 23: U Rikman G Momin State President jong ka party BJP ha Meghalaya mynta ka sngi u la ia kynduh ia u Myntri Rangbah duh jong ka Ri India u Narendra Modi ha nongbah Delhi ha ka jingialang ba ar sngi jong ki nongkit kam ka party ha Delhi.
Ha kane ka jingialang u State President jong ka BJP u la ia kren bad u myntri rangbah duh jong ka Ri India u Narendra Modi ha kaba ia dei bad ka kam elekshon MP ha kaba ka jylla Meghalaya ka don ar tylli ki MP Konstitwensi Shillong bad Tura.
Ha kane ka jingiakynduh na ka liang jong u State President u la ia kren ruh ia ki jingdon kam ka jylla bad kane ka jingioh ba ia kren mar khmat bad u myntri rangbah duh jong ka Ri India ia kaei kaba ka jylla ka don kam ka ki hap ban leh nangne sha khmat.
