Shillong, Jylliew 04: Ka 15th Finance Commission kaba la khlieh da u Chairman jong ka, N.K. Singh kum shi bynta ka jingwan jngoh jong ka sha ka jylla Meghalaya mynta ka sngi ka la pynlong jingialang bad ki dkhot jong ki Autonomous Development Councils jong ka jylla Meghalaya.
Na ka liang jong ki lai tylli ki District Council ha ka jylla Meghalaya ba kynthup ia ka Khasi Hills Autonomous District Council, Garo Hills Autonomous District Council bad ka Jaintia Hills Autonomous District Council.Lait noh katto katne ki jaka ba hap ha Shillong Municipality, ka jylla baroh kawei ka kynthup hapoh ki District Council.
Ka samoi treikam jong ki District Council kalong san snem naduh ka tarik ba jong ka jingthung ia ki. Ki elekshon ba khatduh sha ki ADC la pynlong ha u bnai Rymphang 2014. Ia ka autonomous district council la pyniaid da ka Executive Committee.
Katkum ka artile 243(M) (1) jong ka Constitution ka la buh ia ka kyndon ba ym don ei ei ha ka bynta kaba IX jong ka constitution (kaba iadei bad ka jingthung ia ka Panchayat) kaba lah ban pyntreikam ha ki jaka Scheduled Area ha kaba la kdew ha ka clause (1), bad ki jaka riewlum ba la kdew ha ka clause (2), jong ka Article 244. Ka Sixth Schedule ka la pynpaw shai ba kine ki jaka riewlum (tribal) kin long ki autonomous district bad yn synshar ia ki da ki Autonomous District Council.
Ki kamram jong ki ADC katkum ka schedule 6 jong ka constitution ki kynthup ka jingshna ain ha kaba iadei bad ka jaka ka khyndew, ka jingpeit ia ki khlaw ki btap lait noh ki reserved forest, ka jingthung ia ki rangbah shnong bad ki syiem, ka jinghiar pateng ha ki jingdon jingem, ka shong kha shong man, ka jingiakhlad lok, ki dustur, ban wanrah ia ka roi ka par lyngba ka jingseng ia ki iew, ki pung dohkha, ka jingshna ki surok bad ban peit ia ka kam khaii jong kito ki bym dei na ki schedule tribe.
Ki lad kamai jong ki ADC katkum ka Paragraph 8 jong ka Sixth Schedule ki long,a) ki khajna na ki kam, ki jingkhaii, b) ki khajna ba iadei bad ki mrad, ki kali bad ki lieng; c) ki khajna na ka bynta ka pynrung tiar sha ki iew bad ka jingdie jong kine, ka jinglum khajna na ki briew kiba shong lieng; bad d) ka khajna na ka jingpynbha ia ki skul, ki dispensary bad ki surok.
La pyntip ruh ia ka Commission ba, iaka Royalty la lum da ka sorkar jylla bad ia kane la iasam hapdeng ka sorkar jylla bad ki district council ha ka bynta 25:75 ha kaba iadei bad u diewiong. Ka bynta iasam ha kaba iadei bad kiwei pat ki mar khyndew ka long ha ka bynta 60:40 hapdeng ki District Council bad ka sorkar jylla.
Ba ka khajna ba lum ka duna haduh katta katta ba ka District Council ka shem jingeh ban pyntrei wat ia ki kam ba man ka sngi bad ki kam katkum ba la kdew ha ka sixth schedule bad kane ka la pynlong ba ym don pisa shuh ban trei na ka bynta ka roi ka par.
Ka Fourteenth Finance Commission kam shym la ai ei ei na ka bynta ki ADC bad ka la pynpaw ba ki kyndon ki Part IX bad IXA jong ka Constitution kim lah ban pyntreikam ha Meghalaya.Ym shym la don mynno mynno ruh ka SFC ha Meghalaya. Ka Commission ka la ong ba kan sa peit ia kine kiei kiei baroh shuwa ba kan ai jingmut kaba khatduh.
