Shillong, Naitung 01: U Bah Mayralborn Syiem MLA ka Nongpoh, mynta ka sngi ka 1 tarik u Naitung 2024 ula leit buddien pat ia ka surok na Nongpoh- Umden Sonapur na ka bynta ban maramod ia une u surok na u Myntri Rangbah ka Jylla Conrad K Sangma.
Ha kane ka jingleit ban iakynduh ia u Myntri Rangbah u MLA la synran da ki riew rangbah ka Ri-Bhoi District ba kynthup ia ki Nongialam Shnong ka thain Nongpoh bad Umden.
Haba ioh ban iakren bad ki nongthoh khubor na ka liang u Bah Mayralborn MLA ula pyntip ba ka haka jingiakynduh ia u Myntri Rangbah ka dei eh halor ka jingdawa ki paidbah ban maramot noh ia ka surok Nongpoh-Umden-Sonapur.
U MLA ula pyntip ruh ba ka jingmang tyngka ban maramot ia kane ka surok kan poi kumba T.52.98 klur. U bah Mayralborn u la buhruh ka jingkyntu ia u Myntri Rangbah ban kynthup iaka surok Nongpoh-Umden ka ba don 20 km haka thup ban phah shaka tnat DoNER khnang ban ioh pisa ban maramot kham kloi ia kane ka surok.
U bah Mayralborn u la ongruh ba na ka liang jong u kum u MLA na kadaw jong ka jingbun ki surok ki ba don kham ha khmat ban maramod ki ban long sha kiwei kiwei pat ki district jong ka Jylla.
U la ongruh ba na ka liang ka jingbun ki ban daw na ka liang jong u kum u MLA ka Nongpoh da lade u la hap ban leit ban pyntikna ba ha ka Planing kan dei ban don ha khmateh ka ban ioh ban leit sha poh ka NEC bad sha duh ka Ministry of DoNER khnang ban ioh ia ka jingpynmang Tyngka.
U Bah Marylborn ula ong ruh ba naka liang u Myntri Rangbah ka Jylla ula kular ba kane ka surok kan long kawei na kiba kam ba buh hakhmat eh, bad ban shim khia na ka bynta ka jingmyntoi ki paidbah.
