Shillong, Jylliew 26: U Lamphang jong ka iing dorbar thawain ka jylla u Thomas A Sangma ha ka jingleit jong u sha Delhi u la leit ban ia kynduh ia ki myntri jong ka sorkar pdeng ban ai khublei ia ki ha ka kam kaba kila shah bynshed.
Ki myntri kiba la ioh ban ia kynduh ki long u myntri ba dei peit ia ki kad jhad u Sarbananda Sonowal ba dei ruh na kane ka thian shatei lam mih ngi, na ka jylla Assam bala ioh biang ban don ha ka Kabinet jong ka sorkar bala ialam da u Narendra Modi kum u myntri rangbah duh jong ka Ri India.
U Lamphang ka iing dorbar thawain ak jylla Meghalaya u la ioh ban ia kynduh ruh ia u myntri ba dei peit ia ki rit paid jong ka Ri India u Jual Oram ha nongbah Delhi ba dei u myntri kabinet ha kane ka sorkar kaba mynta bala ialam da u Modi kum u myntri rangbah ka jylla.
Kiwei ki myntri kiba la ia kynduh ki long u myntri khynnah ba iarap peit ia ki kam Ri Dohkha, ri mrad u Rajiv Ranjan Singh bala juh khot ruh kum u Lalan Singh, la ia kunduh ruh ia u myntri khynnah ba dei peit ia ki kam Skill Development and Entrepreneurship u Jayant Chaudhary bad ia u myntri khynnah ba iarap ia ka pynroi nongkyndong u Kamlesh Paswan.
