Shillong, Jylliew 06: U Saleng A Sangma MP bala shah jied na 2-Tura Parliamentary (ST) Konstitwensi na ka party Indian National Congress (INC) mynta ka sngi u la ia kynduh ia u President ka AICC u Mallikarjun Kharge ha nongbah Delhi ban ai khublei ia u nongialam ba ha khlieh duh jong ka party.
Ha ka jingiaid lynti jong u Saleng A Sangma 45 snem ka rta ha ka sian pyrthei, u la jop nyngkong ia ka elekshon MLA ha u snem 2008 na ka party Congress na ka 56-Dalamgiri, ka konstitwensi ba rim.
Ha ka elekshon 2013 la shah pynduh tiket bad u la iakhun kum u kyrtong shimet bad u la jop biang kum u MLA na ka 56-Gambegre, ha u snem 2018 u la jop biang kum u MLA na ka party Nationalist Congress Party bad u snem 2023, hadien ba kam don shuh ka NCP ha Meghalaya la pyniasoh biang bad ka party Congress.
Ha kane ka MLA elekshon 2023, ha Garo Hills la jop sa tang ma u marwei kum u MLA na ka party Congress, kum ka party kala pynieng ia u kum u kyrtong MP ban ia khun na ka 2-Tura Parliamentary (ST) Konstitwensi bad ha kane ka jngialeh u la pynrem ia ka Agatha K Sangma.
