Shillong, Lber 23: U Bah Latiplang Kharkongor Chief Executive Member (CEM) jong ka Khasi Hills Autonomous District Council (KHADC) u la ong ba ia u la jied da ka iing dorbar bad la da u dei ban shah weng ruh u dei ban shah weng hapoh ka iing dorbar bad un nym hiar na ka shuki CEM.
Haba kren ha ki lad pathai khubor mynta ka sngi ha karma treikam jong u u la ong ba u long u ba la khlreh ban ia kynduh hapoh ka iing dorbar ba kyrpang la shai ka sngi ia ka motion bym don jingshaniah shuh ia ka Executive Committee kaba u ialam.
Haba jubab ia ki jingkylli, u la ong ba ia u la jied da ka iing dorbar bad ia ka jingdon ki dkhot kiba dei ki para MDC yn sa tip la shai ka sngi hapoh iing dorbar, la ong bay n nym kam sha bar ka iing dorbar.
U Bah Pynshngianlang Syiem Lamphang jong ka KHADC, u la ong ba ka ia kane ka motion bym don jingshaniah shuh ia ka EC kan don da ka jingiathep vote kumba long kiwei ki elekshon.
La iathuh ruh ba kan don ka jingpyrkhing ia ki nongwan sha kane ka dorbar ia ki riew paidbah namar kane ka COVID-19, kan don ruh ka jingbuh ia ki jaka saitkti ia kiba wan sha kane ka dorbar ba kyrpang la shai ka sngi.
