Shillong, Naiwieng 29: Mynta ka sngi ka la don ka jingiasiat hapdeng ki pulit jong ka jylla Meghalaya bad ki briew kiba la suba ba ki dei ki dkhot jong ka seng GNLA ha lai Nala ha jan nongjri ong ki khubor pulit kane ka jingjia ka la jia ha ka por mynsngi.
Ha kaba ia dei bad kane ka jingjia na ka liang jong ki pulit haduh mynta kim pat lah ban ai jingtip ka ki la don ne em ki briew kiba mynsaw na ka liang jong ka GNLA na ka liang jong ki pulit ki dang pynlong ia jingthwet ia kine ki briew ban ioh kem ia ki.
Kane ka jaka kaba la jia kane ka jingiasiat mynta ka sngi ka dei ha lynti ban leit sha Khonjai ha kaba bun na ki kali kiba leit kit dewiong ban shallan sha Bangladesh lyngba ka kad Bagli kaba hap hapoh jong ka South West Khasi Hills.(SP News)
