Shillong, Rymphang 26: Ban ia mir jingmut kumno ban dang pynkhlain ia ka jingtrei kam jong ki District Council bad kum juh ki Panchayats ha kane ka thain sha katei lam mih ngi jong ka Ri India ia kaba la khot da ka parliament jong ka Lok Sabha la pynlong ha Shillong.
Ha kane ka jingialang ki MDC na ka KHADC, ia kaba la ialam da u CEM u bah Titosstarwell Chyne kila wan ban ia shim bynta, ki MDC kiba la ia poi ki long na baroh ar liang ka liang synshar badkum juh na ka liang pyrshah, ki MDC jong ka JHADC ruh kila ia wan ban ia shim bynta.
Kiwei kiba dei na Tripura bad kum juh na ka jylla Mizoram ruh kila wan ban ia shim bynta ha kane ka jingialang bad kiba dei ki dkhot ka Panchayats na ka jylla Assam ruh kila wan ban ia shim bynta.
Kum kane ka jingialang kaba la pyniaid da ka Parliament jong ka Lok Sabha ka dang long tang ka jingialang kaba ar sien, ha kane ka jingialang kila don lang ruh ki ophisar na Lok Sabha.
