Shillong, Nailur 24: Ka Shillong Lajong FC ka kynhun ialehkai I- League bad kaba rung semi-phainal jong ka Durand Cup 2024, mynta ka sngi ka 23 tarik u Nailur 2024 ka kala iasoi soskular iatehlok bad ka kompani Star Cement ha ka jingialang kaba long ha Shillong.
Kane ka jingiateh Soskular jong ka Lajong FC ka long ruh kum shibynta na ka jingiatreilang bad ka Star Cement kan ban long ka nongbei pisa ia ka Shillong Lajong FC ha ka ban ai ka jingkyrshan ba donkam ia ki prokram jong ka club, ki youth development program bad ki kam trei mon sngewbha ha ka imlang sahlang.
Haba kren ha ka jingialang na ka liang u CEO ka Star Cement Pradeep Purohit ula ong ba ngi sngew sarong ban iatreilang bad ka Shillong Lajong FC bad phai khmat ban wanrah lang ia shibun kiei kiei kiba sngewtynnad ban iatreilang bad ai mynsiem bad ban wanrah ia ka jingkylla kaba don jingmut ia ki shnong ki thaw ha ka thain lyngba kane ki jingialehkai kaba itynnad.
U la ong ruh ba kane ka jingbei tyngka jong ka Company kan kyntiew ia ki kam ialehkai ha ka Jylla bad khmatam ha ka North East baroh kawei.
U la ongruh ba Ka jingiatehlok jong ngi bad ka Shillong Lajong FC ka dei kasienjam ban pyniasoh bad ka imlang sahlang. Ngi phaikhmat ban kyrshan ia ki prokram kiban kyntiew ia ka jingialehkai phutbol bad ai mynsiem ia ki nongialehkai jong ki pateng ban wan ha kane ka thain.
Habamutlang Lyngdoh Chief Executive officer u la ongba ka jingbei tyngka jong ka Company Star Cement kan iarap Ia ka club bad khamta ia ki rangialeh kai. U la ongruh ba ngi sngew burom ban don ka jingiadei bad ka kompani ba paw kum ka Star Cement.
Ki ngeit ba kane ka jingiatreilang kan iarap ia ka Lajong ban beh ia ka thong ha kaban nang lam shakhmat ia ka jingialehkai phutbol ha Meghalaya bad ha ka thain Shatei Lam Mihngi baroh kawei. Ka phutbol ha India kan iohnong bha.
U la pyntip ruh ba ka Shillong Lajong FC hadien ba ladep ka jingialehkai jong ka Durand Cup na ka liang ka Club ka la ioh ban thied sa kato katne ngut ki rangialehkai khnang ba ynioh ban pynkhlain ia ka club. U la ongruh ba ka Lajong FC ka kyrmen ba hakane ka kynti ba mynta kan ioh ban rah ia ka I-League.
