Shillong, Naiwieng 03: Mynta ka sngi ka jingiatreilang ha pdeng ki pulit bad ki BSF la ioh ban kem ia kawei ka long kmie na Gumaghat kaba hap ha South West Khasi Hills District bad na ka la ioh ban kurup ka pisa thok kot 500 kaba dei ka pisa India.
Ia kane ka long kmie la ioh ban kem na khappud bad ka Bangladesh ha South West Khasi Hills District na ka shnong Gumaghat ha Meghalaya bad na ka met jong ka la ioh ban kurup T.70000/- tyngka ka pisa thok.
Ki shipai BSF bad ki pulit haba kila ioh ia ka jingtip kila pynlong ia ka jingkhynra ia kawei kaba don ha khappud bad ka Bangladesh bad ha kane ka jingkhynra la lap ka pisa India kaba dei ka pisa thok kaba dei da ka kot 500.
Na ka liang jong ki BSF ha dien ba kila pyndep ia ka jingdonkam katkum ka ain kila aiti noh ia ka long kmie sha ki pulit jong ka Ranikor Police Station ba kin pynlong ia ka jingtohkit halor kane ka jingiohkem bad ban leh katkum ka ain.
