Shillong, Nailur 01: Ki shipai BSF ryngkat ka jingiatreilang ki pulit ka jylla Meghalaya kila ioh ban kem ia u wei ksiang jong ki nongkhaii beain ha khappud bad ka Bangladesh ha thain Dangngar ha East Khasi Hills Distict.
Ha ka miet 31/Nailar/2024 ki shipai BSF bad pulit jong ka jylla Meghalaya ha ka jingkhynra kila ioh ban kem ia u wei u khar Bangladesh ba dei u nongkhaii beain bad ha ka juh ka por ba trei kum ksiang ki nongkhaii beain ha khappud bad ka Bangladesh.
U briew bala shah kem la tip kyrteng kum u Mohd Mijan Mia 49 snem ba shong ha Sunamganj District jong ka Ri Bangladesh bad la phla ki BSF ba u trei ka kam khaii beain bad kum u ksiang ki nongkhaii beain ha pdeng kiba na India bad Bangladesh.
Kane ka jngleit ban khangkdong ki shipai BSF bad ki pulit ia kawei ka jaka ba long khlaw ha khappud Bangladesh ka dei ha dien ba kila ioh ia ka jingtip ba don briew ba rieh bad ba trei ia ki kam khaii beain bad u long ksiang nongiakren ia ki nongkhaii beain ba na Bangladesh.
Ki BSF ha dien ba kila pyndon ka jingtohkit katkum ka bynta kaba ki dei ban leh kila aiti noh sha ki pulit jong ka Dangar ba leh ia kaba don kam katkum ki kyndon jong ka ain I u tei u briew bala shah kem ha ki BSF.
