Shillong, Risaw 10: Ki briew jong ka Meghalaya’s State Disaster Response Force (SDRF) ki dang iai bteng ia ka jingiarap ban sam sha ki shnong kiba la shah ktah ha ka jingshlei um ha West Garo Hills District ha ki thian Dalu.
Ka kynhun jong ki SDRF kiba don ha katei ka jaka ki dang iai bteng ban iarap ia ki paidbah kiba la shah ktah ha jinglynshop ka mariang ha Dalu, ki jingsam ia ki marbam ki long ha ka shnong Doriapara, Anggalanggre bad Ganiparavillage ha Dalu C&RD Block.
Ban kdew ba ki briew jong ka SDRF kiba la don ha Dalu ha ki jaka kiba la shah ktah ha ka jingshah pynjulor ka mariang ka long naduh ka sngi Thohdieng kaba la dep bad ki dang don ha duh mynta ban iarap ia ki briew ha katei ka thain.
