Shillong, Nailar 19: Ban dawa na ka sorkar ban pynduh noh ia ka Interbiew ha ki kam sorkar ha ka kyrdan B,C bad D, ka party KHNAM mynta ka sngi kala pynlong ia ka jingiakhih shnong kyllain mungor kaba shisngi ha Madan Malki.
U bah Thomas Passah Working President ka KHNAM ula ong ba kane ka jingdawa jong ka party KHNAM ka long ban wanrah ia ka jingkhuid jingsuba ha ka ioh kam ioh jam ha kitei ki kyrdan ha ki ophis sorkar.
La pynpaw kumba ka long mynta ki samla pule kila duh jingkyrmen ha ka ioh kam ioh jam lada kim don kiba ia ithuh, lada ka sorkar kan pynduh noh ia ka Interbiew ha ki tei ki kyrdan kan long ka jingai mynsiem ia ki samla pule ban minot ia ka jingpule.
Ka party KHNAM kala thoh ia kane sha ka sorkar la bun sien hynrei ka sorkar kam, shym la leh ei ei, ban pynbor ia ka sorkar na ka liang jong ka party kam banse ban shim ia kane ka sien jam ban pynlong ia kane ka jingiakhih shnong kyllain mungor.
