New Delhi, Nohprah 28: U Myntri Rangbah Duh, u Narendra Modiu la iakren bad ki briew kiba ioh jingmyntoi na ka Viksit Bharat SankalpYatralyngba ka video conferencing mynta ka sngi. U Myntri Rangbah Duh u la ai jingkren ruh ha kane ka sngi.
Da ki hajar ngut ki briew kiba ioh jingmyntoi na ka Viksit Bharat SankalpYatra na kylleng ka ri ki la iashim bynta ha kane ka prokram. La iashim bynta ruh da ki Myntri Sorkar Pdeng, ki MP, ki MLA bad ki nongmihkhmatna ki shnong.
Ha ka jingai jingkren jong u, u Myntri Rangbah Duh u la ong, “Kane ka sienjam ban pyniasoh bad ka jingkut jingmut ban tei ia ka India kaba la kiewshaphrang ka dei kaba dang kham iar katba dang iaid ki sngi.
Ym pat don 50 sngi ba la sdang ia ka Vikas Bharat SankalpYatra, hynrei kane ka Yatra ka la poi sha 2.25 lak tylli ki shnong. Kane ka dei ka record.” U la ai jingsngewnguhia baroh, khamtam ki longkmie bad ki samla kiba la pynjop ia kane ka prokram.
U la ong, “Ka thong jong ka Vikas Bharat SankalpYatraka dei ban pynpoi sha ki briew kiba khlem ioh ia ki skhim ka Sorkar Pdeng namar ki daw bapher bapher.”
U Myntri Rangbah Duh u la ong ba lyngba kane ka jingiadei bad ki briew ka dei ban pynthikna ia ki ba ki don ki skhim ka Sorkar Pdeng kiba baroh ki lah ban ioh khlem kanokano ka jingpeit shiliang. “Nga dang wad ia ki briew kiba la shah ieh dien,” u la bynrap.
U Myntri Rangbah Duh u la ong ba ki briew kiba la ioh jingmyntoi mynta ki dei kiba skhem jingmut bad u la ong “man ki briew kiba ioh jingmyntoi ha kylleng ka ri ki don ka khana shaphang ka jingkylla ha ka jingim jong ki ha kine ki 10 snem ba la dep. Kane ka dei ka khana kaba dap da ka jingshlur.”
U Myntri Rangbah Duh u la ong ba kine ki jingmyntoi ki la plie lad ia kiba ioh jingmyntoi ba kin don ka jingim kaba kham bha. “Mynta da ki million ngut ki briew kiba ioh jingmyntoi ki pyndonkam ia ki Skhim Sorkar kum ka lad ban jam shaphrang.”
U la ong ba ha ki jaka ba long ka Modi ki Guarantee ki Gaadi ka jingsngewskhem jong ki briew ka kiew bad kane ka pynurlong ruh ia ki jingthrang jong ki briew.
U la ong ba ha ka por jong ka VBSY 4.5 lak ngut ki briew ki la buh application thymmai ban ioh ia ka Ujjwala gas connection, la ai 1 klur tylli ki Ayushman card, la pynlong 1.25 klur tylli ki health check up, la screen ia 70 lak ngut ki briew na ka bynta ka TB bad 15 lak na ka bynta ka sickle cell anaemia test ki dei kiba la pyndep mynta.
U la ong ruh ba ka jingsamia ki ABHA card kan buh ia ka jingtip shaphang ka jingkoitjingkhiah jong ki briew kiba ioh jingmyntoi. “Kane kan kyntiew ia ka jingtip shaphang ka koit ka khiah ha kylleng ka ri,” u la ong.
U Myntri Rangbah Duh u la ong ba bun ki briew ki dei kiba ioh nyngkong ia ki jingmyntoi bad u la ban jur halor ka kamram jong ki nongmihkhmat na ki kynhun ha ki shnong bad u la kyntu ia ki ba kin wad ia ki briew kiba dei ban ioh jingmyntoi ha man ka shnong, ka ward, ka nongbah bad ka dong.
Ban kyntiew shuh shuhia ka ioh ka kot ha ki jaka nongkyndong, ka Sorkar India ka dang pyniaid ia ka prokram kaba heh ban pynbiang ki lad kam lajong na ka bynta ki longkmie ha ki shnong. Ha kine ki snem ba la dep, kumba 10 klur ngut ki longkmie, ki khun kynthei bad ki didi ha ka ri ki la iasoh bad ki self-help group.
Kine ki la ioh ka jingkyrshan kaba palat T. 7.5 lak klur na ki bank. U Myntri Rangbah Duh u la pynbna ba, “Ban pyniar shuh shuh ia kane ka prokram, nga la buh ia ka thong ba dei ban don 2 klur ngut ki LakhpatiDidi ha kine ki 3 snem ban wan.” U la ong ruh ba ka Namo Drone DidiYojanakan kyntiew ia ka jingskhem jingmut jong ki longkmie ha ki jaka nongkyndong.
Ha ka jingbataishaphang ka prokram ban pyniasoh ia ki nongrep kiba trei ha ki kam rep baritbaria, u Myntri Rangbah Duh u la kren shapahg ki FPO bad ki kynhun cooperative kum ki PAC.
U la ong “Ka dei ka jingpyrshang jong ngi ba ki kam cooperative ki long ka bynta kaba heh ha ka jingim ha ki jaka nongkyndong jong ka India. Haduh mynta ngi la iohiia ki jingmyntoi jong ka jingiatreilang ha ki kam kiba iadei bad ka dud bad u pai. Mynta la pyniar ia kane sha kiwei kiwei ki kam rep bad ki kam ri dohkha.
Kumta la iaid shakhmat ha ka thong ban tei ia ki PAC ba thymmai ha 2 lak tylli ki shnong ha kine ki por ban wan.” U la kren ruh shaphang ka jingtyrwa ban kyntiew ia ki kam cooperative ha ki kam kiba iadei bad ka dud bad ruh ha ki kam buh tiar. “Ki don ruh ki sienjam ban pynkhlain palat 2 lak tylli ki karkhana ba rit kiba trei ha ki kam kiba iadei bad ki mar bam,” u la ong
U Myntri Rangbah Duh u la kren shaphang ka skhim One District One Product bad u la ban jur halor ka jingdonkam ia ka ‘vocal for local’. U la ong ba kaModi ki Guarantee ki Gadiki dang ai jingtip ia ki briew shaphang ki mar ba kyrpang bad ia kine ki mar lah ban kyntiew kyrteng ha ka rynsan GeM. U la pynkutia ka jingkren da kaba ong ba u khmih lynti ia ka jingbteng ka jingjop jong ki Modi ki Guarantee ki Gadi.
