Shillong, Nailar 17: Ka EC ba thymmai jong ka KHADC kaba la tip kum KHDF mynta ka sngi ka 17 Tarik Nailar 2023 ka la leit ban ia kynduh ia u lad ka jylla u Pagu Chauhan ha ingsah jong u kaba don ha Raj bhawan shillong.
Kane ka jingleit ka long ban ai khublei halor ka jingai jingmynjur jong u ia kawei ka bills kata ka Khasi Hills Autonomous Regulation on Control of Market Act kumjuh ruh ban iakren ia kiwei de ki mat ba kongsan jong ka Council.
Haba kren Sha ki lad pathai khubor u bah Pyniaid Syiem CEM Ka KHADC u la ong, kane ka act ka long kaba donkam bha haba phai sha ka jinglong kyrpang jong ka KHADC hapoh Meghalaya kaba bat ia ka riti dustur ban peit ruh ia ka iew ka hat. Kane ka mat ba ka KHADC ka peit ka don jingiadei ka ba Jan bha bad ki paitbah jong ka jylla.
U bah Pyniaid Syiem u la ong kane ka jinglong ain noh kane ka bills ka long ka jingmyntoi ka ba khraw ia ki paitbah kmjuh ruh u la iathuh ba ki don kumba 8 tylli kiwei dei ki bills ba kynthup ia ka clan bill, na ka liang jong ka DCA lyngba ka Expert Committee ka la pynphai biang.
Hynrei halor kane, ka EC shen kan sa shong jingialang ban peit bniah ban pynbeit ia ki jingduna bad ban ioh ban submitted biang, ha kaba la kyntu ruh ia u Lad ban un ai lem ka jjngmynjur halor ka Clan Bills.
Ha ka juh ka por na ka liang u bah Pyniaid Syiem u la kam ba kane ka jing ai jingmynjur jong u lad ia kane ka bills ka long ka jingjop jong ka Council ha kaba ka la ioh ban bat ia kane ka act bad ruh ia ka land act.
