Shillong Ka Khasi Students’ Union Nongmensong Unit mynha ka 5 tarik u Ïaiong 2025 ka la ai sngewbha ka jingiarap da ka song pisa sha ki san ngut ki khynnah samla kiba lah pass ia ki eksamin SSLC kiba la pynpule da ka seng.
Kumba shu pynkynmaw ba ka seng ka la sdang ia kane ka Free Education Camp naduh u snem 2011 bad ka dang ïaid biet ïaid ryntih haduh mynta ka kynti bad ki don 24 ngut ki khynnah skul bad 5 ngut kiba lah pyndep ia ka eksamin SSLC.
Ka seng ka pynpaw ba ka dap da ka jingkmen kaba khraw mar syn tip ka khubor haba ki khynnah samla ki lah ioh ban khiet ia u soh ka jingjop.
Ha ka jingialang la pynshngaiñ da ka jingdon ryngkat lang u samla Shelkitbok Kharbani (Asst. Education Sect. C.E.C) Jeremaiah Pohtmi (President Nongmensong Unit) bad u Banjoplang Dkhar (Organising secretary Shillong Mihngi circle) ryngkat bad ki dhkot.
U president jong ka Nongmensong Unit u la pynpaw ka jingsngew kmen kaba khraw bad u lah pynpaw ba ka jing jop jong ki khynnah pule ha kane ka eksamin ka dei ruh ka jingjop jong ka seng bad ka kyrdop ka jingsdang ia ki khynnah samla kiba la lah ban pass ia kane ka eksamin SSLC.
