New Delhi, Nailur 07: Ha kaba iadei bad ka thong jong ka sorkar na ka bynta ka Viksit Bharat 2047, ka Tnat Skill Development and Entrepreneurship (MSDE) ka la iasoi ia ka Memorandum of Understanding (MoU) bad ka Swiggy bad pliepaidbah ia ka sienjam Swiggy Skills’, kaba ai jinghikai pyntbit bad plie ki lad ioh kam hapoh ka jingpynpoijingbam jong ka Swiggy bad ka rynsan treikam jong ka.
Ka sienjam kanplie ki lad ioh kam, internship bad ki lad ioh jinghikai na ka bynta ki briew kiba trei ha ki kam restaurant, bad ki bynta bapher bapher jong ka jingpyniaid ia ki kam die jingdie.
Hapoh ka sienjam Swiggy Skills, yn pyniasohlang ia ka rynsan iatreilang jong ka Swiggy bad ka Skill India Digital Hub (SIDH), kaba plie lad ban ioh jingpule online ha ka skill development, ki syrnot, bad ki training module ia ki nongtrei jong ka Swiggy. Kane ka jingiatreilang kan ai jingmyntoi ia 2.4 lak ki nongpynpoijingbam bad ruh ki nongtrei ha ki restaurant kiba iasoh bad ka Swiggy.
Ha ka jingai jingkren ha ka jingplie paidbah ia kane ka sienjam bad ka jingiatreilang, u JayantChaudhary, Myntri Khynnah ba dei peit , Skill Development and Entrepreneurship (MSDE) u la ong, “Na ka bynta ka jingpynurlong ka India ia ka thong Viksit Bharat @2027, ki kam logistic kin long ka bynta ba kongsan.
Da kaba buh jingmut ia kata, ka sorkar jong ngi ka la sdang ia kaNational Logistics Policy ha India. Ngi ruh ngi dang plieia ki lad na ka bynta ka jingkiew shaphrang ha kane ka kam ha kaba ka jingpyntbit ia ki sap bad ka pule puthi ki iaid ryngkat.
Ka jingiatreilang mynta ka sngi ka pyni kumno ki public private partnership ki lah ban pynsted bad wanrah ki lad ba thymmai na ka bynta ki briew ba trei ha kane ka kam. Ki don ki lad ba khraw ha kane ka bynta, bad ngi angnud ban iohi shuh shuh ka jingiatreilang ki kompani bad ngi.”
U Atul Kumar Tiwari, Secretary, MSDE, kaSonal Mishra, Joint Secretary, MSDE bad kiwei kiwei ki ophisar jong ka Tnat ki la iadonlang ha kane ka jingialang plie.
Ka Swiggykadei kaba treikam ha jan 700 tylli ki nongbah. Kum ka nongprat lynti ha ka kam pynpoi ia ki jingbam lyngba ka Swiggy Food bad ki kam iadieiathied kiba sted lyngba ka SwiggyInstamart, ka don ka rynsan kaba heh jong ki nongpynpoijingbam bad ki restaurant kiba iatrei lang bad ka.
Hapoh ka sienjam Swiggy Skills, ka rynsan iatreilang jong ka Swiggykaniasohlang bad ka Skill India Digital Hub (SIDH) ban ai ki jingpule ba ioh jingithuh bad ki training module ha baroh ki kam jong ka Swiggy.
Kane kan iarap ia ki nongpynpoijingbam bad ki nongtrei ha ki restaurant ba kin ioh ia ki jinghikai online, ki jingioh syrnot bad ki training module ban kyntiew ia ka lad ioh kam jong ki.
Shuh shuh, ka Swiggykanwanrah ia ki samla, kiba ladep ioh jinghikai hapoh ki skhim bad ki prokram MSDE na ka bynta ki kam bapher bapher. Shuh shuh, ki don ruh ki jingthmu ban ai internship ia ki samla, kiba lah ban rung pat ha ki kam quick commerce jong ka Swiggy.
Ha ka jingiasoi ia kane ka jingiatreilang, u RohitKapoor, CEO jong kaSwiggy Food Marketplace, u la ong, “Ngi thmu ban iasoh bad kaSkill India Digital Hub (SIDH) jong ka MSDE ha ki app jong ki nongiatreilang, kaba plie lad ia 2.4 lak, ki nongpynpoi jingbam bad ki nongtrei ha 2 lak tylli ki restaurant ba iatrei lang bad ngi ba kin ioh ia ki jinghikai online, ki syrnot bad ki training module.
Kaba ar, ki samla kiba ladep ioh jinghikai hapoh ka prokram jong ka MSDE na ka bynta ki kam kum ka retail bad logistics management, bad ki bynta jingtreikam jong ka F&B business, kin iasoh bad ka rynsan ki restaurant bad ki kam bapher bapher, ha kaba kin ioh ia ki lad kiba iahap.
“Ha ki jingtreikam SwiggyInstamart, ngin lah ban pynrung kam 3,000 ngut ki briew ha kylleng ka ri. Ngi thmu ruh ban ai jinghikai bad internship ia 200 ngut ki briew ba ioh jinghikai na ka MSDE, ha ki kam quick commerce ha ki kyrdan kiba heh, bad ha kaba khatduh, ka Swiggy, hapoh ka employee volunteering prokram jong ngi ngin lah ban pynbiang ia ki lad ban tei ia ki training module ha ki kam ba dang mih kum ka Artificial Intelligence (AI),Ki kam pyniaid iew, ki jingdie, quick commerce, logistics bad kiwei kiwei,” u la ong.
