Shillong, Naiwieng 09: Mynta ka sngi bun na ki jaka thoh eksam ia ka kam LDA bad Grave IV kiba dei jong ka District Selection Committee ka East Khasi Hills District kila ieng lain habun ki jaka thoh eksam kiba la buh ha kane ka nongbah Shillong.
Katkum ki jingpynbna sorkar ki kam balait baroh ki don kumba 200 tylli na ka bynta ka kam LDA bad Grade IV, katba kiba la wan thoh ia ka eksam ki long kumba 6000 ngut bad ha jan baroh ki jaka thoh eksam la buh ryngkat ki pulit ban pahara.
Ki jaka thoh eksam kiba bun ki long ha thian Mawkhar, Jaiaw, Laitumkhrah bad ki thian Laban bad kane ka eksam la pynlong ha ki ar bynta kawei mynstep bad kwei pat shiteng sngi kaba ha dien shiteng sngi ka dei na ka bynta ka eksam LDA ha ka DSC ka EKH District.
