Shillong, Nailur 10: Ka Khasi Students’Union (KSU) Upper Shillong Circle, hapoh ka jingialam jong u Samla Pynskhemlang Syiem, Publicity Secretary, mynta ka sngi ka la leit ban khynra ia ki briew ba na bar kiba trei khlem kot khlem sla hapoh ka shnong Umlyngka.
Ha kane ka jingleit khynra ka Seng ka la ioh ban bat haduh kumba 40 ngut ei ei ki bar jylla kiba ka seng ka suba jur ba ki dei kiba dang shu wan kiew na jylla Assam.
Kumta, ka seng ka maham tyngeh ia kito ki contractor bad ki trai iing kiba ju mlien ban wan ialam ia kine ki bar jylla, ban pyntrei bad pynsah ia ki, ba kin pynbiang beit da ka work permit jong ka jylla. Ong u samla Rapborlang Nongrum nongai ktien ka KSU.
