Shillong, Nailur 14: U bah Disparsing Rani mynta ka sngi u la iathuh ba ka jaka sorkar hapoh kane ka nongbah Shillong ki don 389 hektar kaba mut ki don 100 akar duna ei ei ha East Khasi Hill District.
Haba ia dei bad kane ka jingai jaka ka sorkar sha seng sain pyrthei ki long, ka HSPDP ha Laitumkhrah ka jingeh ka long 3000 phut, ka NCP ka jingheh ka long 3000 phut, ka BJP ka ioh 3000 phut, ka MPCC ka ioh 10000 phut, ka NPP ka ioh 10000 phut, ka UDP ka ioh 10000 phut ha Laitumkhrah.
Haba phai sha ka jingai jaka ia ka party NPP kumba la pan RTI katkum ka jingtip kaba la ioh ka long ba ka jingaiwai ka long na ka bynta 30 snem bad ka jingaiwai ka long tang T.115 tyngka na ka bynta shisnem. La ong ba ia mynta u dang pan tang ia ka jong ka NPP bad yn sa pan ruh ia kiwei ki party.
Haba ia dei bad ka jingtei ia ka ophis kila don ki kyndon kiba buh katkum ka Meghalaya Building By Law, kila pynkylla ia ka jingpan, kiwei kiwei ki jingjubab ki long kiba biang, hynrei ka jingduna ka long ba katkum ka jingaiwai kim lah banpynkhyllem ia ki dieng khlem da ioh jingbit na ophis jong Deputy Commissioner.
Ha kane ka sngi u bah Disparsing la ong ba ka ophis jong ka Deputy Commissioner ka ai ia ka jingaiwai ia ki jaka sorkar, la ong ba ia ki jaka yn lah ban ai duh namar ba kiba bun ki jaka dei jong ka kur Nongkhlaw ia kaba la ai wais ha ka Syiem Bilat ha u snem 10 Nohprah 1863 bad ka kut ha u snem 1962.
Ka sorkar ka dang siew ia ka bai wai jaka sha ki kur nongkhlaw ka long 1965 kala siew T.50 /- ha u snem 1967 ruh dang siew T.50/- ha u snem 1969 dan siew T.50/- ha u snem 1975 ruh dang siew T.50/- bad ka siew khatduh ka long ha u snem 1977 bad ka jingsiew T.50/- kane ka kren shai ba ki kur Nongkhlaw ki dei ki trai jaka.
