Shillong, Nailar 17: Ioh jing mynjur ka ka KHADC ia ka bill “Khasi Hills Autonomous Regulation on Control of Market Act” na u lad ka jylla, ha kaba ia ka ne ka bill la phah mynha u snem 2021. La ioh pat ka jingmynjur ha ka 26 July 2023. Kane ka act ka dei na ka bynta jong ki nongrep kyntup ia ki jingri.
Haba kren bad ki lad pathai khubor ka kong Grace Marry Kharpuri EM ba bat jong ka Market ka la iathuh, Lyngba jong kane ka act, man la ki iew kin don ruh ka sub Committee kaba la khot ka market managing Committee ha kane ka Committee ki ban long dkhot ki don lang ki nongdie ki nongrep bad ki mahajon.
Kane ka sub Committee kan don kan don ka bor ban tehlakam ia kino kino ki jingiapher jingmut hapdeng ki nongdie ki nongrep bad kumta ter ter. Kane ka sub Committee ka dei ruh ban don ka register, ban buddien ia ki trai dukan bad ban phah record sha ka Excutive Committee man la u snem.
Na ka liang ka kong Grace Marry Kharpuri EM incharge trade ka la iathuh ruh ba Haba iadei bad ka dor lyngba jong kane ka act kan iarap shibun ia ki nongrep namarba ka la kren shai ba District Council lane ka Excutive Committee ka lah ban buh ia ka minimum rate. Kumjuh ruh lyngba kane ka act la bsuh ruh ha ka, ba ka jing ot kilo ia ki mar rep kan nym don shuh.
