Shillong, Naiwieng 15: Mynta ka sngi ki dkhot ka KSU kila leit ban tur sha jaka hikai ka IIM Shillong namar ba kila ioh ia ka jingtip ba u Vice Chancellor ka NEHU un leit ban ia shim bynta ha ka jingialang ha katei ka jaka pule bala pynlong da ka National Law University, ha Nongthymmai.
U samla Eric Nongkynrieh secretary ba dei peit ia ki kam ialehkai ka shnat Nongthymmai , la ong ba ka jingleit jong ki sha katei ka jaka ka long ba ki sngewjkhia ba kumno un wan ha kane ka jingialang haba ki samla pule 10 sngi ki la iakhih shah thngan ha NEHU.
La ong ba ka jingkylli ka long ba kumno u ta u VC ha ka jaka ban don ha NEHU u wan ban sha kane ka jingialang, kane ka jingwan jong ki ka long ban khanglad lada u wan namar ka dang don ka jingeh ha NEHU.
Na ka liang ka seng haduh mynta kam iohi ba ki sorkar pdeng ne ka sorkar Meghalaya kan shim khia namar na pdeng ki khynnah pule kila dang shitom ka long kaei kaei ka bymsngew tynnad ba balei ka sorkar kam lah ban shikhia wat la ka jingiakhih kala iaid shiphew sngi.
