New Delhi, Risaw 21: Ka Global Maritime India Summit, 2023, kawei na ki maritime summit kaba heh tam ha pyrthei, ka la ioh T. 10 lak klur ka jingbei tyngka ha ka prokram kaba lai sngi, kaba la kut hangne mynta ka sngi.
Lyngba kane ka jingjop kaba khraw, ka bynta ba lai jong ka GMIS ka long ka sienjam ba kongsan ban kot sha ka thong jong ka ‘AmritKaal Vision 2047’ jong ka jingbei tyngka kaba T. 80 trillion- ka thong ba la iasam da u Myntri Rangbah duh u Narendra Modi na ka bynta ka jingkyntiew ia ki kam kiba iadei bad ki duriaw hashuwa u snem 2047.
Ha ka jingai jingkren ha ka jingialang pynkut ia ka GMIS, 2023, u Myntri Sorkar Pdeng ba dei khmih ia ka TnatPorts, Shipping and Waterways and Ayush, SarbanandaSonowal u la ong, “Ka la long ka jingsdang kaba bha ia ka Global Maritime India Summit, 2023 da kaba ioh ia ka jingbei tyngka kaba palat T. 10 lak klur ban kot sha ka thong jong u Myntri Rangbah duh jong ngi ubaiohijngai, u Narendra Modiji kumba la saindur ha ka Maritime AmritKaal Vision, 2047.
Ka vision document ba la pyllait da u Modiji ka don ka jingthmu na ka bynta ka jingkyntiew ia ki kam duriaw jong ka India da ka jingpyntreikam ia ka jingthmu ha ka por ha ki bynta bapher bapher.
Lyngba ka jingsoi ia ki MoU hapdeng kito kiba don bynta ha kane ka kam, ka summit ka la pyniaid shakhmat ia ka jingthmu jong ka India ban long ka jaka Pdeng jong ki kam kiba iadei bad ka jingpynkit mar lyngba ki duriaw.
Ngi kwah ban ai khublei ia ki 10 tylli ki ri ba iatreilang, palat 50 tylli ki ri ba iatreilang, baroh kito kiba don bynta, ki delegate kiba la wanrah ka jingiatreilang ha ka summit ban iatreilang ha ki bynta ba la ithuh na ka bynta ka jingiatreilang bad ban wanrah ia ki kam ha kaba ngi lah ban iatrei lang bad ki jingpynbeit.
Lyngba ka jingiai kyrshan jong phi na ka bynta ka jingjop jong kane ka summit, ngi ngeit ba ka GMIS ka la kot sha ka jing thmu jong ka kaba la plie ia ka rynsan ban kyntiew ia ka jingiatreilang jong ki thain, ka jingiatreilang hapdeng ki ri kiba don kti ha ki kam pynkit mar lyngba ki duriaw.
U Goyal u la iaroh ia ki sienjam ba la shim da ka Tnat Ports, Shipping and Waterways ban kyntiew ia u pud jong ka jingkhaii EXIM jong ka India ha kaba ka la kot palat 450 billion dollar ka khaii pateng ha u snem 2022-23.
Ha kane ka summit la sakhi ka jingiashim bynta ki ri, 215 ngut ki nongkrennabar ri bad na ka ri bad 50,000 ngut kiba la iashim bynta markhmat bad lyngba ka bor internet.
Haba kren shaphang ka bynta jong ka jingsaindur thymmai bad ka teknoloji, u Myntri Sorkar Pdeng uSarbanandaSonowal, u la ong “Hapoh ka jingialam ba tbit jong u Myntri Rangbah duh u Narendra Modiji, ka India ka la don hakhmat eh ha ka kam wad bniah bad ka roi ka par, bad ka jingpyntreikam ia ki teknoloji ba la don lypa na ka bynta ka jingbha ki kam bad ka jingkyntiew ia ka jinglah treikam.
Ka jingsdang ia kaDigital Centre of Excellence for Maritime Efficiency (COEME) kadei kawei na ki sienjam ba bun kaba pyni ia ka jingkut jingmut jong ka sorkarModi na ka bynta ka jingkyntiew ia ka teknoloji – na ka bynta ka jingpynbha hapoh ka ri bad ruh ka jingiatreilang.
Ha kaba iadei bad kane, ka jingpyndonkamia ki startup jong ka India kiba trei ha ki kam kiba iadei bad ka jingpynkit mar lyngba ki duriaw kan long ka bynta ba kongsan jong ka jingphaikhmat ka sorkar jong ngi.”
Ha kane ka prokram kaba lai sngi, ka la don ruh ka jingiamir jingmut shaphang ka roi ka par kaba lah ban iaineh lyngba ki kad lieng bad ki kam pynkit mar lyngba ki duriaw kiba khuid, ka bynta ha kaba ka Norway bad kiwei kiwei ki ri ki la pyni ia ki rukom treikam ba biang tam bad kiba la buh nuksa ia kiwei kiwei ki ri ba kin bud.
“Ka India, kum ka nuksa, ka thmu ban kyntiew ia ka jingpynkut ka jingpynmih carbon ha ryngkat ka jingpynduna ka jingpynmih ia ka GHG lyngba ka jingpyndonkam ia ki tyllong pynmih bording ba khuid, ki mar ha ki kad lieng bad ki kali kiba iadi da ka bor elektrik,” la ong u SarbanandaSonowal.
U Myntri Sorkar Pdeng ba dei khmih ia ka Tnat Pule Puthi bad and Skill Development & Entrepreneurship, u DharmendraPradhanu la ban jur halor ka jingdonkam ban pynbiang ka jingkyrshan bad ka rukom treikam kaba kham bha kaba la wan hadien kane ka por jong ka khlam ia kito kiba hap ban leit shane shato lyngba ki duriaw.
U Myntri Sorkar Pdeng ba dei khmih ia ka TnatCommerce & Industry, Textiles, Consumer Affairs, Food and Public Distribution u PiyushGoyal, u Myntri Rangbah, Sorkar Gujarat, u Bhupendrabhai Patel bad u Sonowal ki la pynkut ia ka GMIS 2023 da ka jingiasam ia ki jingsngew jong ki halor kumnoki kamjong ka India kiba iadei bad ki duriawkilong u budlum jong ka ioh ka kot jong ka ri kaba nohsynniang sha baroh bor ba dei peit ha ki kad lieng, ki lynti iaid ki lieng, ki kompani, ki startup, ki MSME bad kiwei kiwei ki kam kiba kyrshan ia kane.
Ha ki lai sngi jong ka summit la sakhiia ki jingiamir jingmut kiba peit ia ki bynta ba kongsan jong ki kam kiba iadei bad ka duriawkynthup ki sienjam ba kongsan ba iadei bad ka roi ka par bad ki jingiakren halor ka India Middle East Europe Economic Corridor (IMEC), BIMSTEC, Chabahar port INTSC corridor.
Ki bynta kum ka jingkyntiew ia ki kad lieng bapher bapher ba pyniasoh hapdeng ka India bad ki ri EU ki ialeh pyrshah ia ki jingartatien ha ka jingiadei hapdeng ki ri, ka jingkyntiew ia ki kam kiba iadei bad ki duriaw kum ka khyrdop na ka bynta ka BIMSTEC bad IMEC economic corridor bad ka jingplie lad ia ki kynhun kiba phaikhmat sha ki kam ba dei peit ha ka IMO ki dei katto katne ki mat ba kongsan jong kine ki jingiamir jingmut.
Ha ka GMIS 2023 la iakren shaphang ki lad ha ki kam jngohkai lyngba ki lieng katba ka jingpynshai ia ka jingkut jingmut jong ka sorkar ban kyntiew ia ki kam jngohkai lyngba ki lieng kynthup ka jingtei ia ki jingdon jingem, ka jingai jingmyntoi lyngba ka jingpynduna ia ki khajna, ka jingpyntbit ia ki briew kiba trei ha kine ki kam bad ka polisi kaba iahap bad ki jinglong jingman ha kylleng ka pyrthei khnang ban khring ia kito kiba na kiwei kiwei ki ri kiba trei ha kine ki kam ba kin seng ia ka kam ha India. Ka Sorkar ka la pynkhreh ban pyllait ia ka polisi ban kyntiew ia ki kam jngohkai lyngba ki lieng.
La pynkut ia ka GMIS 2023 summit da ka jingpynlong ia ki jingialang ba iadei bad ka jingpynkit mar lyngba ki duriaw ba la pyniaid da u Dr Mansukh Mandaviya, Myntri Sorkar Pdeng ba dei khmih ia ka Tnat ka koit ka khiah bad Chemicals and Fertilizers bad u Shantanu Thakur, Myntri khynnah ba dei khmih ia ka Tnat Ports, Shipping & Waterways, GoI.
Hadien kane la pynbud pat sa ka jingiamir jingmut ba kyrpang ba ialam da ka NirmalaSitharaman, Myntri ba dei khmih ia ka Tnat Kam Pla tyngka, Sorkar India shaphang ka jingbei tyngka na ka bynta ki kam kiba iadei bad ka duriaw, ka insurance bad ki kam ain. Ka Myntri khynnah jong ka sorkarpdeng ba dei khmih ia ka Tnat External Affairs & Culture, ka MeenakashiLekhiruh ka la wan jngoh ia kaGMIS summit.
Hashuwa kane, u Myntri Rangbah duh u Narendra Modi u la plie ia ka GMIS 2023 bad buh maw nongrim na ka bynta 21 tylli ki projek ba shongdor T. 18,800 klur bad la iasoi 34 tylli ki MoU ba shongdor T. 3.24 lak klur ha ka jingialang plie. Kane ka kynthup ki Green Project kiba don ka bynta kaba T. 1.8 lak klur bad ki Projek na ka bynta ka jingkyntiew bad jingpynkylla ia ki kad ba shongdor T. 1.1 lak klur.
U Myntri Rangbah duh u Narendra Modi u la plie ruh ia ka Maritime AmritKaal Vision 2047- ka rukom treikam ban kyntiew ia ki kam kiba iadei bad ki duriaw na ka bynta ki 25 snem ban wan, ka AmritKaal ban pynlong Atmanirbhar ia ka India shuwa u snem 2047. U Myntri Rangbah duh u Narendra Modi u la iasamia ka jing thmu jong u ban pyllait ia ka jingbei tyngka kaba T. 80 lak klur na ka bynta ban kyntiew ia ki kam maritimr ha kane ka samoi.
Ha ka jingiakren halor ki Global Economic Corridor, palat 60 ngut ki dkhot na ki ri bapher bapher ki la iashim bynta, kynthup ki CEO na 33 tylli ki kompaninabar ri bad 17 tylli ki kompani na ka ri. Ha ka jingialang plie la sakhi ruh ia 10 ngut ki Myntri na ki ri bapher bapher kiba la iasohlang bad u Myntri Sorkar pdeng u SarbanandaSonowal ha ka rynsan ha kane ka jingialang. 21 ngut ki Myntri na 10 tylli ki ri ki la iashim bynta ha ki jingialang bapher bapher ha ka GMIS, 2023.
