Shillong, Kyllalyngkot 04: Mynta u bnai ki pulit ka nongbah Shillong kila ioh ban kem saw ngut ki khar Bangladesh na Anjalee Petrol Pump kiba la tip kyrteng kum u Akhtar Sheikh, ka Rupa Begum, Raju Ali 60 snem bad u Taijul Islam 27 snem.
Kine ki khar Bangladesh kila wan da kawei ka Tourist Taxi kaba don ia u number ML-05X-6502 kaba la niah da u T N Sohshang, kine ki briew kila rung beain sha India lyngba ka shnong Nongjri ka East Khasi Hills District.
Ha ka jingtohkit kine ki khar Bangladesh kila iathuh ba kila rung beain sha Ri India da ka jingthmu ban leit sha ka Union Territory Jammu bad Kashmir, ka jingioh kem ia ki khar Bangladesh kiba mut leit sha kiwei ki jylla ka Ri India kala jia bun sien ha kane ka jylla Meghalaya.
