Shillong, Naitung 04: Mynta ka sngi ki pulit ANTF kila ioh ban kem 6 ngut ki briew na kawei ka kali kaba don ia u number ML 05 E 8363 bad na kawei ka Bike kaba don ia u number ML 05 AC 9261 na Mawiong bad na kine la ioh ban kurup 64.1 gram u drok heroin.
Kiba la shah kem ki long u Shanborlang Khongwir 32 snem, u Bringson Kharumlong 35 snem, u Kitboklang Nongsiej 29 snem, u Return Dhar 40 snem, u Wanlambok Lyngdoh 25 snem , bad u Richard Marbaniang 24 snem, ia ka ejahar la register bad ka Mawlai Police Station.
Ia u drok la song ha ki san tylli ki synduk sabon, la ioh ban kurup ruh 7 tylli ki mobile phone, ka pisa T.1,29,000/- tyngka, ka kali maruti 800 kaba don ia u number ML 05 E 8363 bad ka bike kaba don ia u number ML 05 AC 9261.
Ki pulit kila ioh ban kem ia kine ki nongkhaii drok ha dien ba kila pynap shrip ha GS Road ha Mawiong bad haba la tala si ia ka kali kaba ki leit la ioh ban kurup ia ki san tylli ki synduk sabon bala song ia u drok.
