Shillong, Nohprah 12: Ki pulit ka East Khasi Hills District mar ia ioh ka jingtip ba ki don ki briew kiba wan na Manipur sha Shillong kiba la suba ba ki kit ia u drok kila pynlong ia ka jingap shrip ha Umphyrnai ha kaba la ioh ban kem ar ngut.
Ki pulit mar ia poi ka kali kaba kila ioh jingtip kila bat bad haba la talasi la ioh ban kurup 10 tylli ki synduk sabon nad haba la thew la shem ba ka jingkhia jong u drok ka long 106.06 gram, kane ka jaka ka hap ha ka jingkhmih ka Madanriting Police statation.
Ki pulit kila ioh ban kem ruh arngut ki briew na kane ka kali kaba ki shnong, kiba la shah kem la tip kyrtengkum u Dontanglian 39 snem na ka shnong Vengnuam, Churachanpur, Manipur bad ka Chingneilun 30 snem na ka shnong Lungthul village, Singngat, Churachanpur, Manipur.
Ki pulit kila ioh ban kurup ruh ar tylli ki mobile phone na kine ki briew, ka jingthohkit ia kine ki ar ngut ka dang iaid sha khmat ban lap ruh ia kiba don kti ha kane ka kam khaii drok la ong ki pulit.
