Shillong, Naiwieng 08: Ki pulit jong ka East Khasi Hills District haba la ioh ia ka jingujor ba ki don ki kynhun kiba la leh mynleh kum ki nongdie jhur, hynrei ki dei pynban ki nonglute na ki nongthied jhur.
Haba la ioh ia kane ka jingujor ki pulit jong ka East Khasi Hills District kila pynlong ia ka jingbud dien ia kine ki kam runar, bad ha kane ka jingbuid dien kila ioh ban kem lain gut ki briew bad kurup kawei ka kali kaba ki pyndon kam bad ka jingthewet ia kiba don kti ka dang iaid.
Kine ki nonglute ki tyrwa ia ki nongthied jhur ha ka dor kaba tad bad ki juh ialam ia ki nongkhaii jhur bad ia ki nongniah kali sha ki bynta jong ka ISBT bad Umiam ban pynhap ia ki jhur da kaba tyrwa ia ki jhur ha ka dor kaba duna dor, haba ki nongthied jhur kila ngop ki rah bor bad phah thep pisa lyngba ki Google Pay.
Da ka jingiarap lang jong ki riew paidbah kum na ka Meghalaya Traders Fresh Vegetable bad Ginger Association bad ka Khasi Jaintia Fresh Vegetable Suppliers Association, ka hynhun Special Cell East Khasi Hills kala sdang ia ka jingkhyndang bad la ioh ban kem ia ki briew na Mawlai Bye Pass.
Kine ki nonglute ki juh rah ia ki trok rit bad ia draibar ba niah ia ki kali kit jhur na Lat Smit da kaba byrngem byrsit ia ki bad phah phone ia u trai ba thied jhur ban siew ia ka pisa lyngba ka Google Pay.
Ha kane ka jingtrei shitom ki pulit la ioh kem lai ngut bad kurup kawei ka kali, ia kine ki nonglut e la register ejahar ha Madanrting PS Case No. 111(11)2023 U/S 419/420/511/364A/384/340/34 IPC bad ka jingtohkit ka dang iaid sha khmat ban lap shuh ia kiba don kti.
