Shillong, Nailar 19: Mynta ka sngi ki pulit jong ka West Garo Hills District ha dien ba kila ia ka jingtip ba don u briew ba suba kit ia ki jingdih pynbuaid, na ka liang jong ki pulit kila pynlong ia ka jingap ktem bad kila ioh ban bat ia uwei u briew bad na u la arphew saw synduk sabon bala thep ia u drok Heroin.
Ki pulit kila kem ia u tei u briew bad une u briew dei ba na bar jylla, naka liang jong ki pulit kala jylla kila long kiba peitngor bha ha kane ka bynta ban peit ba ki nongkhaii beain kin nym ioh ban khaii ia u drok ha kane ka jylla.
Na ka liang jong ki pulit kin iakhun pyrshah ia kine ki nonglehkam sniew namar kane ka jingleh ka long ban pynjot ia ki khun samla jong ka jylla bad na ka liang jong ka sorkar ruh kala kut jingmut ban rat dyngkhong ia kane ka jingsniew.
Na ka liang jong ka sorkar ruh kala dang pynkhlain shuh shuh ia ki lat ban ia khun pyrshahia ki nongkhaii drok ym tang ha ka jingpynkhlain ia ki bor pulit hynrei ha ki bor jong ka ain ruh ban pynthikna ba ki nongkhaii drok kim dei ban ioh lat.
