Shillong, Kyllalyngkot 05: Ki shipai BSF kiba la phikir bha ha khappud bad ka Bangladesh kila lah ban pynpulom ia ka jingthmu ban shallan beain ia ki mar sha Bangladesh bad ki mar kiba la ioh ban kurup kila kot sha ka T.28 lak tyngka.
Ki mar khaii tuh kiba la ioh ban kurup baroh dei ha East Khasi Hills District, ki tiar kiba la ioh ban kurup kynthup ia ka Zeera, ka kyiaid, sla sha, dohkha, ktung, sabon, rynsun, Panipuri, ki Blanket kine baroh kila thmu ban phah sha Bangladesh.
Ki BSF kila ioh ban kem u wei nong India bad ioh bat saw tylli ki trok rit, ia ki mar kiba la ioh ban kurup bad ia u briew bala ioh ban kem la aiti sha ki Custom ban leh ia kaba don kam katkum ka ain.
Kane ka jingpahara ki BSF ha khappud kala dang pyrkhing katba dang mih ki sngi ban pynthikna ba kan nym don kano kano ka jingiakhaii beain ha khappud bad ka jingdon kiwei ki kam beain bad ban ialeh pyrshah ia ka jingwan rung beain ki Bangladesh sha India.
