Shillong, Jylliew 17: Mynta ka sngi katba ki pulit na ka Anti Narcotics Task Force (ANTF) ka East Khasi Hills District kila pynlong ia ka jingtalasi, ha kaba kila ioh ban kurup 454.32 gram u drok heroin na jan Madanriting Police Station.
Ia u drok la ioh ban kurup na ki ar ngut ki kynthei briew kiba wan da ka Tourist Taxi, kine kiba ar ngut kiba la shah kem ki long ka Tinkhonei Haokip 37 snem, ka Mongkim Haokip 53 nsem kine baroh ki dei na shnong New Keithelmanbi Village, Senapati, Manipur.
Ki pulit kila kem ia kine ki ar ngut ki kyntheo bad ka jingthohkit ka dang iaid ban lap ia kiba don kti ha kine ki kam khaii drok kiba ha kane ka jylla, ki pulit kila register ia kane ka ejahar hapoh jong ka Madanriting Police Station kase No 71(6)2024 u/s 21(c)/29. NDPS Act..
