Maligaon, Nohprah 23: Ki pulit Railway Protection Force (RPF) katba ki dang pynlong ia ka jingtalasi ia ka rel kaba poi ha Rangapara kila ioh ban kurup ia ki khlieh ka sim Hornbill kaba la kit beain bad ka dor jong ka long saw lak tyngka haba dei ha iew.
Ki pulit RPF kiba dei na ka Crime Prevention bad Detection Squad (CPDS) kiba don ha Rangapara kila pynlong ia ka jingtalasi ia ka rel kaba don ia u number no. 15613 kaba dei na Guwahati – Murkongselek ka Lachit Express ha Rangapara North station.
Katba ki dang pynlong ia ka jingtalasi kila ioh ia u wei u briew bad ki don ka jingsuba bad kila khynra ia ka pla kaba u don bad u bad na ka pla jong u la ioh ban kurup saw tylli ki khlieh jong ki sim Honrbill. Kine ki khlieh sim Hornbill ha ka dor iew kila kot sha ka saw lak tyngka.
Ki Pulit RPF kila kem ia u ba kila suba bad ha dien ba kila pyndep katkum ka ain kila iati noh ia ki sha u sha ki tnad khlaw ka jylla Assam bad la register ejahar katkum ka Wildlife Protection Act of 1972.
