Shillong, Jylliew 09: Ki pulit jong ka West Jiantia Hills District, mynta ka sngi ha dien ba kila ioh ia ka jingtip kaba thikna kila khang kdong ia kawei ka Bus ha Phramer jong ka West Jaintia Hills District bad kane ka Bus kila ioh na kurup 12 tylli ki biskit ksiar.
Katkum ka khubor kaba la pynlait da ki pulit mynta ka sngi la iathuh ba ka dor jong kine ki 12 tylli kala kot sha ka T.70 tyngka. Ia kane ka kynhun pulit ban khang kdong ia ka Bus la ialam da u Bah Donkupar Moksha Dy Superintendent ki pulit ba dei peit ia ki kam pyniaid kali.
Kaktum ka jingpynlait khubor ki pulit jong ka West Jaintia Hills la ong ba kane ka Bus ka wan na Jiribam jong ka jylla Manipur. Ia kine ksiar la ioh ban kurup na u Amir Hussain na ka liang jong ki pulit ki dang pynlong ia ka jingtohkit ha kaba ia dei bad kane.
