Shillong, Lber 17:Ka skul bah William Carey University kala pynkup ia ka kyrdan PhD ia u bah Boldness Lyngdoh Nongum ha ka sobjek “status and problems of Higher Secondary Schools in Mairang Civil Sub- Division West Khasi Hills District,Meghalaya.”
Ha kane ka jingwad bniah la don arngut ki nonghikai kiba la iarap ban peit ia kane ka jingwad bniah jong u babu Boldness ba ju khot ieit da baroh,kita ki nonghikai ki long Dr. Balensha bad Dr. Nongrum kiba la iarap lang ban btin lynti ha kane ka jingwad bniah kiba iadei bad ki skul HSS ha Mairang Civil Sub-Division.
Haba pynkhreh ia ki jingwad bniah haba iadei bad ki jingeh jong ki skul ha Mairang Civil Sub-Division ka skul bah William Carey University kala registar ia u babu Boldness ha katei ka skul bah ha kaba kila ai ia u registration no.WCU/2018-phD/EDU/0069.
Haba u babu Boldness u la ai ia kane ka jingthoh hapoh kane ka skul bah na ka liang ka skul bah kala thung ia arngut ki riewshemphang ban peit bniah ia ka jingthoh halor kita ki jingeh jong ki skul HSS ha Mairang Civil Sub-Division.Kine ki arngut ki long Prof.(Retd)Dr.Nityananda Pradhan Dept. of Education, RIE, NCERT, Bhubaneswar, Odisha.
Kawei pat ka nongbishar bniah ia kane ka jingthoh u babu Boldness ka skul bah kala thung ruh ia ka Prof.Brinda Bazeley Kharbirymbai Dept. of Education,North-Eastern Hill University, Meghalaya.
Kine ki nonghikai baroh arngut hadien ba kila bishar bniah ia ka jingwad bniah jong u babu Boldness la shem ba kala long kaba biang bad kumta kila ai ia ka jingmonjur ban pynkup ia ka kyrdan PhD lynbs kane ka skul bah William Carey University ia kaba la pynmih ia ka jingpynbna ia kane ka kyrdan ha ka 10/03/2025 da Controller of Examination ka William Carey University.
